Elektrik enerjisindən istifadə edən məişət istehlakçıları kimlərdir?

Məişət istehlakçısı - yaşayış evlərində və mənzillərdə, o cümlədən Azərbaycan Respublikası Mənzil Məcəlləsinin 91-ci maddəsində nəzərdə tutulan xüsusi təyinatlı mənzil fondunun yaşayış sahələrində, həmçinin bağlarda və qarajlarda məişət ehtiyacları üçün (sahibkarlıq fəaliyyəti istisna olmaqla) elektrik enerjisindən istifadə edən fiziki şəxsdir.

2026-cı ilin yanvar ayının 1-nə olan məlumata əsasən, ölkədə elektrik enerjisi üzrə məişət istehlakçılarının sayı (Naxçıvan MR istisna olmaqla) 2 950 863 nəfərdir.

Təbii qaz təchizatı üzrə məişət istehlakçıları kimlərdir?

Məişət istehlakçısı – yaşayış evlərində və mənzillərdə, o cümlədən Azərbaycan Respublikası Mənzil Məcəlləsinin 91-ci maddəsində nəzərdə tutulan xüsusi təyinatlı yaşayış sahələrində məişət ehtiyacları üçün qazdan istifadə edən fiziki şəxsdir.

2026-cı ilin fevral ayının 1-nə olan məlumata görə, ölkə üzrə “Azəriqaz” İB tərəfindən qeydiyyata alınan məişət istehlakçılarının sayı (Naxçıvan MR istisna olmaqla) 2 667 103 təşkil edir.

İstilik enerjisi üzrə məişət istehlakçıları kimlərdir?

Məişət istehlakçısı - yaşayış evlərində və mənzillərdə, o cümlədən Azərbaycan Respublikası Mənzil Məcəlləsinin 91-ci maddəsində nəzərdə tutulan xüsusi təyinatlı mənzil fondunun yaşayış sahələrində, həmçinin bağlarda məişət ehtiyacları üçün istilik enerjisindən istifadə edən fiziki şəxsdir.

"Azəristiliktəchizat" ASC Azərbaycanda məişət istehlakçıları üzrə (Naxçıvan MR istisna olmaqla) 3 871 binaya xidmət göstərir.