Elektrik enerjisi şəbəkəsinə qoşulma
Əhali qrupuna aid istehlakçılar mövcud və ya inşa ediləcək tikinti obyektlərini elektrik enerjisi (gücü) ilə təmin etmək üçün "ASAN xidmət", "ASAN Kommunal" mərkəzlərinə və ya elektron hökumət portalı vasitəsilə müraciət edə bilər.
Tələb olunan sənədlərin siyahısı
- Şəxsiyyət vəsiqəsi;
- Mülkiyyəti təsdiq edən sənəd (Qeydiyyat vəsiqəsi, mülkiyyət hüququnun dövlət qeydiyyatına alınmasına dair çıxarış (texniki pasport və ya plan-sxem ilə birlikdə);
- Tələb olunan elektrik enerjisinin gücü və keyfiyyət göstəriciləri barədə sənəd (yük hesabatı).
Tikinti obyektlərinin elektrik enerjisi şəbəkəsinə qoşulmasına dair ətraflı məlumatı bu linkdən əldə edə bilərsiniz.
Xidmət haqqı və qoşulma müddəti
Azərbaycan Respublikası Nazirlər Kabinetinin 2018-ci il 24 iyul tarixli 327 nömrəli qərarı ilə müəyyən olunur.
Qoşulma ödənişdən asılı olaraq 12 və ya 24 gün ərzində həyata keçirilir.
Elektrik sayğacının quraşdırılması
Fiziki şəxs olan istehlakçıların sayğaclarla təchiz edilməsi, onların quraşdırılması və dəyişdirilməsi enerji təchizatı müəssisəsinin hesabına həyata keçirilir.
Yaşayış binalarının enerji təchizat şəbəkəsinə qoşulması üçün ümumi texniki şərtlərin verildiyi və həmin texniki şərtlərin tələblərinin icra olunduğu nəzərə alınaraq, həmin binalarda yerləşən mənzillərin ETŞ-yə qoşulması üçün ayrıca texniki şərtlərin və layihə sənədlərinin alınması, həmçinin qoşulma haqqının ödənilməsi tələb olunmur.
Qaz təchizatı şəbəkəsinə qoşulma
Qaz təchizatı şəbəkəsinə qoşulma üçün sifarişçi "Azəriqaz" İB-nin rəsmi internet səhifəsinə yerləşdirilmiş podrat təşkilatların siyahısından bir və bir neçə podrat təşkilatla əlaqə yaradır, özünə uyğun olanı seçir və işlərin görülməsi üçün podrat müqaviləsi bağlayır.
Təşkilat tərəfindən İB-nin nümayəndələri ilə birgə sorğu blankı hazırlanır və ilkin texniki şərt hazırlanır. Bundan sonra podrat təşkilatı layihə smeta sənədlərini hazırlayır, İB ilə razılaşdırılması və sayğac ayrılması üçün müraciət edir. Sənədlər toplusu İB-nin Layihə-smeta və ekspertiza şöbəsi tərəfindən yoxlanıldıqdan sonra qaz sayğacı podrat təşkilata ayrılır, o da öz növbəsində quraşdırmasını təmin edir.
Tikinti işləri bitdikdən sonra təşkilat Bakı şəhəri və Abşeron rayonu üzrə İB tərəfindən yaradılmış "Yeni qazlaşma komissiyası"na, Sumqayıt və digər rayonlar üzrə isə Sumqayıt Qaz İstismar Sahəsi (QİS) və müvafiq Rayon Qaz İstismar İdarəsinə (RQİİ) müraciət edir. Komissiya, Sumqayıt QİS və ya RQİİ layihə üzrə aparılmış işləri yerində yoxlayır, sayğac plomblanaraq akt tərtib olunur və qazın alqı-satqısı barədə müqaviləni təqdim edir.
Qaz sayğacının quraşdırılması
Əhali qrupuna aid istehlakçıların məişət qaz qurğularının istifadəsi üçün qaz sayğacı qaz paylayıcısının vəsaiti hesabına təchiz edilir, quraşdırılır və dəyişdirilir.
İstilik enerjisi təchizatı şəbəkəsinə qoşulma
Əhali qrupuna aid istehlakçılar istilik enerjisi təchizatı şəbəkəsinə qoşulmaq üçün "Azəristiliktəchizat" ASC-nin baş ofisinə (Bakı şəhəri, Xətai rayonu, Xudu Məmmədov küçəsi 3) ərizə ilə müraciət etməlidir.
- Ərizə - Sənədin skan edilmiş surəti (elektron müraciət edildikdə) və ya əsli (şəxsən və ya poçt xidməti vasitəsilə müraciət edildikdə);
- Daşınmaz əmlak üzərində mülkiyyət hüququnu təsdiq edən sənəd - Sənədin skan edilmiş surəti (elektron müraciət edildikdə) və ya əsli (şəxsən və ya poçt xidməti vasitəsilə müraciət edildikdə);
- info@azeristiliktechizat.az
